تسجيل نادر سعاد حسنى تحكى كواليس أيقونة شم النسيم ”الدنيا ربيع”
في تسجيل صوتي نادر أذيع فى أحد البرامج التليفزيونية، روت الفنانة الراحلة سعاد حسني قصة أغنية "الدنيا ربيع" التي غنتها فى فيلم "أميرة حبى أنا"، وكتب كلماتها الشاعر الراحل الكبير صلاح جاهين ولحنها الملحن المصري الكبير الراحل كمال الطويل.
وتقول حسني :"كنا بنصور في مركب (الأوتوبيس النهري)، وبعدين وأنا رايحة أغير هدومي وأغير تسريحة الشعر بصيت لقيت في العربية اللي جنبي الأستاذ كمال الطويل فراحت طالعة في مخي أن أنا أقول للأستاذ كمال الطويل أن هو يلحن الأغنية وهو كان بقاله 8 سنوات مبتعد عن المزيكا خالص".
وأضافت: " من العربية وفي إشارة المرور ناديت عليه وقلت له أستاذ كمال والنبي تيجي تعملهالنا وعندنا فيلم كذا بنصوره دلوقتي، كنا جنب مكان التصوير بالضبط، فقال لي أغنية إيه؟ قلت له أغنية كذا وهي تأليف الأستاذ صلاح جاهين والفيلم من إخراج الأستاذ حسن الإمام، وموضوع جميل جداً تعالى وإحنا هنحكي لك الموضوع".
وبالفعل نزل واتى إلى الاستوديو وحكينا موضوع الفيلم والغنوة والموقف اللى بتتقال فيه، واندمج فى احداث الرواية وعرف بالظيط الغغنوة بتقال فى الموقف دا ليه، وأخذ الكلمات ونزل اسكندرية واشتغل عليها وبعد يومين جه وجابهلنا وقعدنا نسمعها ويحفظهلنا وخلصت فى ليلة واحدة"