أثارت الفنان ريهام حجاج، جدلا كبيرا بسبب صورة نشرتها قبل أيام في أحضان زوجها رجل الأعمال محمد حلاوة وعلقت عليها قائلة: "بيتك كنبتك جوزك تلفزيون"، لتدعو جمهورها بالجلوس في البيت للحد من انتشار فيروس كورونا.

وشن عدد من متابعيها الهجوم عليها بسبب هذه الصورة واتهموها بأنها تقوم بهذا الأمر لتكيد طليقة زوجها الفنانة ياسمين عبد العزيز، لتخرج عن شعورها وتعلن عن حملها عبر التعليقات حيث حرصت على الرد على منتقديها قائلة: "بقالي سنين متجوزة وكل ما أنزل صورة مع جوزي نفس الكلام من نفس الناس دنا قربت أخلف"، وتساءل أحد جمهورها قائلًا: "قربتي تخلفي؟ مبروك طب جنس الجنين ايه"، لترد ريهام قائلة: "لسة معرفتش".

وكانت ريهام حجام أعربت عن استيائها من بعض التعليقات المسيئة لها وكتبت في تعليق في إحدى الصفحات على مواقع التواصل الاجتماعي: "أنا شايفة إنكم بقالكوا كتير أوي بتحكوا في المحكي! مزهقتوش ؟! كلكم على بعض 170 كومنت تلت ترباعكم لجان إلكترونية وفي الربع التاني حافظ وبيردد كلام أنا بقالي سنتين متجوزة وقربت أخلف وإنتم مع كل صورة بنزلها مع جوزي نفس الأشخاص بنفس التعليقات عموما أنا متصورة مع جوزي مش عشيقي ( حرة ومابعملش حاجة غلط ومش عشان أي سبب غير إني حابة الصورة وحابة أشاركها مع كل الناس السوية مش المريضة".

وتابعت: "اللي بيحبوني وبيبعتولي تعليقات جميلة ولطيفة على إنستجرام بتاعي أنزل عليه اللي أنا عايزاه بتتكلموا في موضوع يضحك أساسا، يعني ما اعتقدش إني ممكن اختار لواحدة فيكم جوزها مثلا، ولا حتى أقول رأيي فيه، مش من حقي فأكيد مش من حقكم يعني هو مش موضوع يحتمل النقاش أساسا عمالين بتهروا في موضوع صاحبة الشأن نفسها طلعت في برنامج واتكلمت عن طليقها اللي كان من سنة قبل جوازي بتخترعوا قصص وهمية ومصدقنها زي مثلا إننا كنا أعز أصحاب وكلام غريب وإنتم ماتعرفوناش أصلا الجواز والطلاق دا نصيب وحلال مش حاتحرموا حلال ربنا يعني، ولا هو التدين بيطلع وقت ما نحب، وهو الكلام اللي بيتكتب دا ليه علاقة".