تعد بيتزا جبن هي الافضل علي الاطلاق من بين جميع اتواع البيتزا المختلفة ، وتعتبر هي الاكثر طلبا واقل تكاليف ولذلك نقدم لكي اليوم طريقة عمل البيتزا الجبنة بأسرار المطاعم.
المكونات : العجينه - ٢ كوب دقيق - ٢ م.ص خميره - ٤ م.ك زيت زيتون - ١ م.ك زبده - ١ م.ص ملح - ١ م.ص سكر - ١ بيضه بدرجة حرارة الغرفه - ١/٢ كوب زبادي - مياه دافيه للعجن تقريبا كوب الا ربع ..الصلصه- ٣ م.ك صلصه- ١ م.ك كاتشب - ١ م.ك باربكيو - ١ م.ص سكر - ملح وفلفل اسود - م.ص زعتر - ٥ ورقات ريحان فريش الحشو - ٢ طماطم حلقات - ربع كوب زيتون اخضر واسود مخلي ومقطع - ٣ معلقه كبيره جبنه بريزيدون كوبايات بالطعم اللي تحبوه - ربع كوب جبنه شيدر مبشوره - نص كوب جبنه موتزاريلا مبشوره _ ربع كوب جبنه رومي مبشوره
طريقة التحضير : - نخلط كل المكونات الجافه - نضيف الزبادي وزيت الزيتون ونخلطهم - نضيف الزبده والبيض ونخلطهم - نضيف المياه الدافيه تدريجي ونعجن لحد ما العجينه تلم نوقف اضافه مياه ونعجن لمده ربع ساعه .. - نسيبها تخمر .. - في حله صغيره نضيف الصلصه والكاتشب والباربكيو والملح والفلفل الأسود والزعتر والسكر ونسيبهم يغلو مع بعض ٥ دقائق - نضيف الريحان ونقلب ونطفي .. - بعد ما العجينه خمرت نقسمها علي ٢ ( حجم البيتزا هيكون صغير يكفي فرد ) أو نفردها كامله هتكون كبيره هتكفي ٣ أفراد .. - نفردها سمكها متوسط ونضيف عليها جبنه بريزيدون ونفرد الجبنه علي العجينه كلها ..- نفرد الصلصه عليهم ..- نضيف الزيتون وحلقات الطماطم ..- نضيف الجبن الشيدر والرومي وعلي الوش الموتزاريلا .. - تدخل فرن يكون متسخن قبلها بعشر دقائق علي درجه ١٩٠ تحت فقط لمده عشر دقايق .. تطلع من الفرن نغطيها بفوطه او فويل ١٠ دقائق ..