نشرت مها منيب سيدة على “فيس بوك” جلسة تصوير كاملة. للرد على إدعاءات الإعلامية ريهام سعيد . بخصوص التهكم على أصحاب الوزن الزايد. معتبرة أن جلسة التصوير لشخصية مثلها زائدة فى الوزن بنفس توصيفات ريهام سعيد لم يكن أبدا يعيبها.

وقالت مها في تدوينة على صفحتها الشخصية على “فيس بوك”: أنا ست تخينة من وجهة نظر ريهام سعيد بس أحب أوضح :”عمرى ما كانت التخينة عبئ على المجتمع أنا ست مكافحة وبشتغل من وأنا 16 سنة ناجحة فى حياتى وفى شغلى ومحققة حاجات كتير فى حياتى”.

 

وأكملت الفتاة:”أنا ست ارتبطت واتجوزت وعرفت رجالة حلوة عمرى ما كان الراجل اللى أنا بعجبه راجل تخين عشان تتساوى المقاسات خالص. وأنا بمشى شكلى مش مقزز أنا حلوة فى كل حالاتى كونك محدودة النظر دى مشكلة أى حد عنده ضعف نظر وثقافة”.

وتابعت الفتاة:”أنا حلوة بمقايسي وبهين أي حد يتعدي حدوده معايا علي أي مستوي ليا شخصيتي المستقلة وقراراتي وكبيرة وواعية وبعرف اتحمل مسئولية اختياراتي، أنا بنت بـ١٠٠ راجل، عندي صحاب ما تعرفيش تحصري عددهم، أنا مش ميتة أنا بخرج وبلبس أحلي لبس وبنزل البحر وبلبس مايوهات وعايشة سني الطبيعي”.

وأرفت الفتاة:”أنا بحارب نظرتك كإعلامية محدودة العلم وضعيفة الثقافة ومحبطة وبحارب أي شخص يتعدي مستوي النقاش أو فاشل في اختيار المسميات زيك، العيب مش في جهل الستات اللي ما بتعرفش تلبس العيب أنك إعلامية فاشلة بتهدي ثقتهم في نفسهم عشان يعملوا عمليات يخسوا عشان تخدمي أهدافهم الشخصية وتزودي رصيدك في البنك”.

إعادة تأهيل للإعلامية

وقالت الفتاة:”أنا حلوة ولو ده مش عاجبك لازم يتعملك إعادة تأهيل فى ثقافتك. راجعى صورى وأحرقى دمك وإعرفى إنك إنتى اللي جاهلة. مش مضطرة أبداً أقولك أسباب أنا ليه تخينة ولا وزنى زايد عشان مش من حقك تسألى فيه. وبسبب أمثالك عملتوا لأمى عقدة فى حياتها من إن عندها بنت وزنها زايد”.

وأكدت الفتاة:”وبسببك كتير من أمهات حياتهم مدمرة عشان طاقة الجهل اللى بتصدريها ده بدل ما تقومى بدورك بحملة وعى محترمة للأمهات إزاى تتعامل مع عيالهم. وكلامك لو أنا ضعيفة يقتلنى مش يخلينى أحسن من ظروفى الصحية ويقتل أى لم بنتها أو إبنها عنده وزن زايد. وأخيراً شكرا للفنانة إنچى وجدان لردها بشكل مهنى وذكي ومحترم”.