تعرض الفنان يوسف الشريف خلال اليومين الماضيين لهجوم شديد بسبب تصريحاته مع الإعلامي رامي رضوان حول البنود التي يطلبها في عقود أعماله الفنية، وكان أبرزها عدم ملامسة النساء وهذا ما أثار جدلا عبر مواقع التواصل الاجتماعي، هاجمهم عدد كبير من جمهوره.

قالت زوجته الكاتبة إنجي علاء خلال منشور عبر موقع "فيسبوك": "في اخبار كتير مغلوطة عن يوسف متداولة من حواره مع الإعلامي رامي رضوان اللي اتذاع في برنامجه مساء dmc بس متحرفة بزيادة شوية".

وأوضحت: "يوسف اتكلم عن المشاهد الساخنة، واعرف فنانين كتير تانيين مش بيحبوا يعملوها، ايه اللي جاب ملامسة النساء للموضوع أوفر أوي بصراحة، هو مجبش سيرة ملامسة النساء والحوار موجود على صفحة القناة".

وتابعت: "ياريت يكون في تحري الدقة عند تغطية الحوارات واحترام لرأي وأفعال الناس مادام مش بتضر حد وشكرا لكل أصحاب الأقلام المهنية اللي لما غطت الحوار نقلت اللي فعلا دار فيه يوسف الشريف".

وعلق عمرو محمود ياسين: "أنا مش عارف يوسف الشريف قال ايه بالضبط، لكن كل اللي أقدر أقوله إن هو حر إن لم يضر، المهم إنه فنان وإنسان محترم وبيقدم فن محترم ومختلف".

وأضاف كريم فهمي على "إنستجرام": "الراجل ده أنا بحبه وبحترمه في العموم مخلص ومجتهد وحر في رأيه ويحترم".

واختتم أيمن بهجت قمر: "يا اللي بتدور على الحرية والتحرر وكل واحد حر ينام على الجنب اللي يريحه، أنا بحب يوسف الشريف وهو حر في أفكاره. وعلى رأي الشاعر اللي قال (كل واحد يعمل اللي يريحه)".