نشرت المطربة شذى. على حسابها  "إنستجرام" صورة تجمعها مع المطرب هيثم شاكر.

وعلقت على الصورة قائلة: "من امبارح بيجيلى تليفونات اللى زعلانين منى علشان أنا من أصحاب هيثم القريبين وكنت عارفة ومقولتش على مرضه. واللى أصلا بيشكك إن هيثم كان تعبان".

وتابعت شذى: عموما علشان مش هينفع أرد على كل المكالمات هيثم كان فعلا مريض بمرض خطير ربنا يبعد كل شر عن أى حد يا رب. والحمد لله هو تعافى بس هو لسه فى حاجات كتير محروم منها. وأهمها حاجة أساسية لأى كائن حى وهى نعمة الأكل لحد دلوقتى وهيفضل كدة ميقدرش ياكل بشكل طبيعى وده سبب اختفائه كل الفترة دى وده سبب إن هو فقد كتير جدا من وزنه".

كان هيثم شاكر. أعلن قبل يومين سبب غيابه الفترة السابقة عن الساحة الفنية. والتى استمرت لمدة 5 سنوات وكان السبب وراء ذلك إصابته بمرض السرطان.

وكتب "شاكر". على حسابه الشخصى  "فيسبوك". :من أيام قليلة نزل ألبومى الجديد "معرفة قديمة " .. الحمد لله على ردود أفعال الجمهور عليه مفرحانى ومخليانى مبسوط جداً بكل تعليق ورأى ونقد عن الألبوم .. شكراً لكل واحد قال كلمة حلوة عن أغانى الألبوم الجديد وأول فيديو كليب منه. صدقونى حاولت أقرا كل تعليقاتكم وارائكم .. شكراً لكل الزملاء المحترمين على مباركتهم ودعمهم".

واكمل هيثم شاكر حديثه عن غيابه عن الساحة الفنية قائلًا : "عارف أن الغياب كان فترة طويلة لكن كان فعلاً غصب عنى اى تأخير".

وأعلن المطرب هيثم شاكر مرضه موضحًا: "5 سنين عن آخر ألبوم ليا كان بسبب مرض خبيث مش حابب أتكلم في تفاصيله. كان اختبار لصبرى والحمد لله تعافيت منه كان سبب فى التأخر عن الانتهاء من الالبوم الجديد .. ان شاء الله مش هغيب عنكم كتير وهفضل أشتغل على أعمال تليق بقيمتكم .. بشكركم جميعاً .. الحمد لله".