أثار الفنان عمرو سعد حالة من الجدل على حسابه  انستجرام؛ بعد نشره صورة من فيلمه "دكان شحاتة" الذى عُرض منذ 10 سنوات. 

وقال الفنان عمرو سعد "يومها طلبت من المخرج اني اركز لوحدي تماما وهو في نفس الوقت بدأ يحضر المشهد وطلب من الجميع الهدوء .. اخدت ساعة تقريبا لغاية ما هزيت راسى انى جاهز واتحركت ناحية مكان التصوير وفجأة وانا فى الطريق شوفت الدكان المقفول لقيت نفسى باتحرك زى المسحور ناحيته المخرج خالد يوسف فهم بسرعة ان فى حاجة هاتحصل وقرب ناحيتى وبص بهدوء وقاللى عاوز ايه؟!". 

وأضاف الفنان عمرو سعد "شاورت على الدكان المقفول ورغم انه كان جاهز لمشهد فى مكان تانى الا انه جرى  بسرعة وحرك كل اللوكيشن والإضاءة ناحيتى وصرخ للكاميرا تدور بسرعة وصور فعلا المشهد ده النهاردة عدى عشر سنين على اليوم ده وطول الوقت الناس بتفكرنى بالمشهد ده وكأنه خرج من ذاكرتى لذاكرتهم هما وهو ده اللى طول الوقت باتمناه وبادعى ربنا انى اعمل حاجة تعيش ويفتكرها الناس بعد ما أكون مشيت او توصل بصدق دعواتكم انى اعرف اعمل ده والمشاهد اللى تعبت فيها تكون جزء من الذاكرة مش تبقى لحظة وخلاص".